بی جے پی کے ایم ایل اے کی موت پر بیٹے کا چھلکا درد ‘دھنّیہ ہیں مودی جی‘

مرحوم کے بیٹے وشال گنگوار نے لکھا کہ کیا یہی ہے اتر پردیش حکومت اپنے ہی رکن اسمبلی کا علاج نہیں کرا پا رہی ہے۔ سی ایم آفس میں کوئی فون نہیں اٹھاتا، دھنّیہ ہے یو پی سرکار، دھنّیہ ہیں مودی جی۔‘‘

کورونا وائرس یہ نہیں دیکھ رہا کہ کون کتنا اثر رسوخ والا ہے، کس کا کیا مذہب ہے یا اس کا تعلق کس پارٹی سے ہے۔ حال ہی میں بریلی ضلع کے نواب گنج اسمبلی حلقہ سے بی جے پی کے رکن اسمبلی کیسر سنگھ گنگوار کا کورونا وائرس سے انتقال ہو گیا۔ ان کے انتقال نے ان کے اہل خانہ کو پوری طرح سے ہلا کر رکھ دیا ہے۔ طاقتور رکن اسمبلی مرحوم کیسر سنگھ گنگوار کے بیٹے وشال گنگوار نے اپنے فیس بک پیج پر طنزیہ لکھا ہے ’دھنّیہ ہے اتر پردیش سرکار، دھنّیہ ہیں مودی جی۔‘

کیسر سنگھ جب بیمار تھے تو انہوں نے ایک خط مرکزی وزیر صحت ڈاکٹر ہرش وردھن کو لکھا تھا جس میں انہوں نے اپنی حالت بتاتے ہوئے مرکزی وزیر سے درخواست کی تھی کہ ان کو دہلی کے میکس اسپتال میں ایک بیڈ دلا دیا جائے کیونکہ ان کو پلازما تھیرپی کی ضرورت ہے۔ لیکن آج تک پر شائع خبر کے مطابق انہیں مرکز سے کوئی مدد نہیں ملی۔

اگر مرحوم کے بیٹے وشال گنگوار کی فیس بک پر لکھی پوسٹ دیکھی جائے تو ایسا نہیں ہے کہ انہوں نےاتر پردیش سرکار میں کوشش نہیں کی تھی۔ انہوں نےلکھا ’’کیا یہی ہے اتر پردیش حکومت اپنے ہی رکن اسمبلی کا علاج نہیں کرا پا رہی ہے۔ میں نے کئی مرتبہ وزیر اعلی دفتر کو فون کیا، مگر مجال ہے جو کوئی فون اٹھالے، دھنّیہ ہے یو پی سرکار، دھنّیہ ہیں مودی جی۔‘‘

ایسے واقعات میں اضافہ ہو رہا ہے اور کئی حلقوں سے مرکزی وزیر صحت کو ہٹانے کا مطالبہ کیا جا رہا ہے۔ حالات اتنی تیزی سے خراب ہو رہے ہیں کہ بی جے پی کے ارکان میں غصہ بڑھتا جا رہا ہے۔ ان کو لگ رہا ہے کہ ان کی اپنی حکومت ہونے کے باوجود وہ کسی کی تو دور اپنی بھی مدد نہیں کر پا رہے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: Content is protected !!
Open chat
1
!Hello
!How Can I Help You
واٹس ایپ گروپ جوائن کرنے کیلئے نیچے لنک پر کلک کریں۔

https://chat.whatsapp.com/Cu3chd0osKYFJfN3AkBLQ9