بی جے پی MLA راجہ سنگھ پولیس حراست میں
حیدرآباد: تلنگانہ بی جے پی کے رکن اسمبلی راجہ سنگھ کو یادادری بھونگیر ضلع کے بی بی نگر میں پولیس نے حراست میں لے لیا۔ گوشہ محل حلقہ کی نمائندگی کرنے والے بی جے پی کے رکن اسمبلی ایودھیا میں تعمیر کیے جانے والے رام مندر پر حکمران جماعت ٹی آرایس کے رکن اسمبلی سی دھرماریڈی کے ریمارکس کے خلاف احتجاج کرنے کے لئے ورنگل ضلع جا رہے تھے۔
راجہ سنگھ کو بی بی نگر کے قریب روک دیا گیا اور ان کو پوچم پلی پولیس اسٹیشن منتقل کر دیا گیا۔ اس موقع پر پولیس اسٹیشن کے قریب ہلکی کشیدگی دیکھی گئی کیونکہ ان کے حامیوں اور بی جے پی کے کارکنوں نے ان کو رہا کرنے کا مطالبہ کرتے ہوئے احتجاج کیا۔