بسواکلیان: جماعت اسلامی و ایس آئی او نے تعلقہ کے 5 نو منتخب تحصیلداروں کو پیش کی تہنیت

بسواکلیان: 22/جنوری (ایم آئی) میڈیا انچارج جماعت اسلامی ہند شہر بسواکلیان کی اطلاع کے مطابق آج 22 جنوری 2021 جماعت اسلامی ہند، بسواکلیان اور اسٹوڈنٹس اسلامک آرگنائزیشن آف انڈیا، بسواکلیان یونٹ کی جانب سے بسواکلیان تعلقہ کے پانچ افراد شواناند میترے، راجکمار مہترکار، شیو کمار، پللوی بیلکیری، وٹھا بائی جنہیں تحصیلدار کی حیثیت سے ترقی دی گئی۔

اس پر مسرت موقع پر جماعت اسلامی ہند بسواکلیان کی جانب سے اسلامی تعلیمات کا بنیادی لٹریچر تحفتاً دیا گیا اور شال پوشی کی گئی۔ اس موقع پر ایک وفد جس میں مقامی سکریٹری، جماعت اسلامی ہند جناب میر اقبال علی صاحب، رابطے عامہ سکریٹری جناب ذوالفقار چابکسوار اور محمد فہیم الدین، مقامی صدر ایس آئی او بسواکلیان، میر آصف علی، ممبر ایس آئی او اور سمیع بھوسگے موجود رہے۔