فلپائن میں 2 زبردست بم دھماکے، 9 افراد ہلاک، متعدد زخمی

فلپائن کے صوبہ سولو واقع شہر جولو میں پیر کے روز 2 زبردست دھماکوں میں کم از کم 9 افراد کی موت ہو گئی جب کہ تقریباً 17 دیگر زخمی ہو گئے۔ فوج کی ابتدائی رپورٹ میں بتایا گیا ہے کہ صوبہ سولو کی راجدھانی جولو کی مصروف سڑک پر ایک راشن کی دکان کے سامنے آج دن میں 12 بجے پہلا دھماکہ ہوا۔ اس کے ایک گھنٹے بعد دوسرا دھماکہ ایک بجے چرچ میں ہوا جو پہلے دھماکہ کی جگہ سے صرف 70 میٹر کی دوری پر واقع ہے۔ ان دونوں دھماکہ میں ابھی تک 9 لوگوں کی موت ہو چکی ہے جبکہ کئی دیگر زخمی ہوگئے ہیں۔