بیدرمیں 17/نومبر کو’محبتِ رسول صلی اللہ علیہ وسلم کے تقاضے‘ موضوع پرہوگا ایس آئی او کا اجتماعِ عام

بیدر : 16 نومبر (اے این بی) برادرانجنئیرمحمد سعید عامر یونٹ سیکریٹری ایس آئی او بیدر یونٹ کی اطلاع کے مطابق ماہ ربیع الاول کی مناسبت سے 17نومبر 2019 کو بعد نمازمغرب مسجدابراھیم مین روڈ، بیدرمیں مقامی یونٹ کی جانب سے ایک اجتماع عام منعقد کیا جارہا ہے۔

محبتِ رسول صلی اللہ علیہ وسلم کے تقاضے موضوع پر منعقد ہونے والے اس اجتماعِ عام کو جناب سید جمیل احمد ہاشمی صاحب رکن جماعت اسلامی ہند وخطیب مسجدابراھیم مین روڈ، بیدر مخاطب فرمائیں گے۔

اس موقع پر برادر انجنئیر محمد عاقب حسین صدر مقامی ایس آئی او بیدر یونٹ نے طلبہ اور نوجوانوں سے شرکت کی گزارش کی ہے۔ اس موقع پر انہوں نے یہ بھی کہا کہ طلباء اور نوجوان اپنے دوست واحباب کے ہمراہ زیادہ سے زیادہ تعداد میں شریک ہو کر اپنی ذمہ داریوں کو یاد کرتے ہوئے سیرت کے انقلابی پیغام سے مستفید ہوں۔