مجاہدِ اسلام، عالم اسلام کے ہر دلعزیز قائد محمد مرسی سابق صدر مصر کا انتقال

محمد مرسی عرب بہار یہ تحریک کے بعد 2012 میں مصر کے صدر منتخب ہوئے تھے لیکن سعودی عرب اور امریکہ کی مداخلت سے جولائی 2013 میں فوجی بغاوت کے ذریعہ انہیں برطرف کرکے جیل میں بند کردیاگیا ۔ وہ اخوان المسلمین کے رہنما تھے

مصر کے سابق صدر محمد مرسی کی آج وفات ہوگئی ہے ۔ الجزیرہ نے مصر کی ملکی میڈیا کے حوالے سے خبر دی ہے کہ محمد مرسی آج عدالت میں حاضر ہوئے، سماعت کے دوران بے ہوش ہو کرگر پڑے۔اس کے بعد ان کی وفات ہوگئی ۔ ان کی عمر 68 برس تھی۔

تفصیلات کے مطابق محمد مرسی قطر کے لئے جاسوسی کے الزام میں مقدمے کا سامنا کررہے تھے اور کیس کی سماعت کے موقع پر کمرہ عدالت موجود تھے، جیسے ہی کارروائی برخاست ہوئی وہ بے ہوش ہوکر گرپڑے۔انہیں فوری طور پر اسپتال منتقل کیا گیا تاہم وہ راستے ہی میں دم توڑ گئے۔

محمد مرسی عرب بہار یہ تحریک کے بعد 2012 میں مصر کے صدر منتخب ہوئے تھے لیکن سعودی عرب اور امریکہ کی مداخلت سے جولائی 2013 میں فوجی بغاوت کے ذریعہ انہیں برطرف کرکے جیل میں بند کردیاگیا اور فوج نے تختہ حکومت پر قبضہ کرلیا ۔وہ اخوان المسلمین کے سینئررہنما تھے ۔