کیا وزیر اعظم چاہتے تھے کہ لاک ڈاؤن کے دوران بے سہارا لوگوں کی کوئی مدد نہ کرے؟: پرینکا گاندھی

وزیر اعظم کے پارلیمنٹ میں دئے گئے اس بیان پر کہ کورونا کی پہلی لہر کے دوران کانگریس نے مفت ٹکٹ بانٹ کر ملک بھر میں کورونا پھیلایا کانگریس کی جنرل سیکریٹری پرینکا گاندھی نے سخت برہمی کا اظہار کیا ہے۔

انہوں نے کہا ’’جن لوگوں کو انہوں نے بےیارومددگار اور بے سہارا چھوڑ دیا تھا، جن کے پاس اپنے گھروں کو لوٹنے کا کوئی راستہ نہیں تھا، جو پیدل واپس آ رہے تھے، کیا وہ چاہتے تھے کہ کوئی ان کی مدد نہ کرے؟ مودی جی کیا چاہتے تھے؟ وہ کیا چاہتے ہیں؟ انہوں نے جو بڑی بڑی ریلیاں کیں ان کے بارے میں کیا خیال ہے؟‘‘

قبل ازیں وزیر اعظم نے کہا تھا کہ ’’آپ (کانگریس) نے پہلی لہر کے دوران مہاجر مزدوروں کو ریل کے مفت ٹکٹ فراہم کئے۔ وہیں دہلی میں بھی حکومت نے مزدوروں کو باہر جانے کے لئے بسیں فراہم کیں۔ اس کے نتیجہ میں پنجاب، یوپی اور اتراکھنڈ میں کورونا پھیل گیا۔‘‘