بسواکلیان: اعلیٰ تعلیمی اداروں میں داخلہ ملنے پر SIO کی جانب سے طلباء کو پیش کی گئی تہنیت
بسواکلیان: 19/نومبر (ایم این) ملک کے اعلی ترین تعلیمی اداروں میں تعلیم حاصل کرنا ہر طالب علم کی خواہش ہوتی ہے۔ اس کو مدنظر رکھتے ہوئے ایس آئی او بسواکلیان ہونٹ کی جانب سے بسواکلیان کے پی یو سی سال دوم کے طلبہ کے لئے آن لائن و آف لائن کوچنگ اہلیتی امتحان برائے داخلہ سینٹرل یونیورسٹی کے لئے دی گئی۔ جس میں 15 طلبہ مسلسل شریک رہے جن میں سے 13 طلبہ کا داخلہ مولانا آزاد نیشنل اردو یونیورسٹی حیدرآباد اور جبکہ 2 طلبہ کا داخلہ سینٹرل یونیورسٹی آف کرناٹک میں ہوا۔
اس موقع پر ان 15 طلبہ کی تہنیتی تقریب ایس آئی او بسواکلیان یونٹ کی جانب سے منعقد ہوئی جس میں ان طلبہ اور ان کے والدیں کو تہنیت پیش کی گئی۔ اس موقع پر اس کوچنگ کے لئے خدمات انجام دینے والے اساتذہ محمد احمد، الطاف امجد، غوث الدین، عبد الماجد خادم، میر مشتاق علی اور داخلہ کے لئے رہنمائی کرنے والے عبد الماجد منیار کا محمد فہیم الدین صدر مقامی نے شکریہ ادا کیا۔ ایس آئی اور اور یسین خان فاؤنڈیشن کی انفرادی کوششوں سے بسواکلیان کے 15 طلبہ سینٹرل یونیورسٹی میں داخلہ حاصل کر چکے ہیں۔
محمد مزمل قادری نے مولانا آزاد نیشنل اردو یونیورسٹی اور محمد تاج الدین بابا پی ایچ ڈی طالب علم سینٹرل یونیورسٹی آف حیدرآباد نے طلبہ سے خطاب کیا۔ عبدالکلیم عابد منصوری امیر مقامی جماعت اسلامی ہند بسواکلیان، ریاض پٹیل ضلعی صدر ایس آئی او، محمد نواز احمد، ذوالفقار احمد، الطاف امجد کے علاؤہ دیگر لوگ موجود تھے