چاند نظر آگیا

نئی دہلی:6مئی(اے این ایس) مرکزی رویت ہلال کمیٹی کے مطابق پیر کے روز یعنی آج رمضان المبارک کا چاند نظر آگیا۔ یکم رمضان المبارک 7مئی 2019 منگل کو پہلا روزہ ہوگا۔

جبکہ کل ہی ریاست کیرالہ کے کاپاڈ میں چاند نظر آنے اور متعلقہ علاقہ کے قاضی کی طرف سے چاند کی رویت ثابت ہونے کے بعد بھٹکل میں بھی قاضی صاحبان نے رمضان کا اعلان کردیا ہے، کاپاڈ میں چاند دیکھے جانے کی تصدیق ہوتے ہی اُدھر مینگلور اور ضلع اُڈپی میں بھی رمضان کا اعلان کردیا گیا تھا۔ اس کے ساتھ ہی بھٹکل، شیرور، بیندور، کنداپور، گنگولی، اُڈپی اور مینگلورسمیت پڑوسی ریاست کیرالہ میں6 مئی بروز پیر کو پہلا روزہ ہوگیا۔

رمضان کا اعلان ہوتے ہی آج بعد نماز عشاء تمام مساجد میں تراویح شروع ہوگئی ہیں۔واضح رہے کہ اس مرتبہ قریب 14 گھنٹوں کا روزہ ہوگا۔