ہمناآباد: قومی شاہراہ پر ٹو وہیلر-کار کے درمیان تصادم 2 افراد شدید زخمی

ہمناآباد: 10/فروری (ایس آر) ہمناآباد میں قومی شاہراہ 65 پر پیش آئے بھیانک حادثہ میں 2 افراد شدید زخمی ہوگئے۔ تفصیلات کے بموجب ہمناآباد سے کچھ کلو میٹر دور ہڈگی موضع سے نزدیک ٹو وہیلر چلانے والا سڑک عبور کر رہا تھا کے آچانک سامنے سے آتی ہوئی تیز رفتار کار سے ٹکرا گیا جسکے نتیجہ میں ٹووہیلر پرسوار دو افراد شدید زخمی ہوگئے انہیں علاج کی غرض سے ہمناآباد کے سرکاری اسپتال کو لایا گیا ہے جہاں پر انکی نازک حالت کو دیکھتے ہوئے مزید علاج کے لیے بیدر کو روانہ کیا گیا۔

اس ضمن ہمناآباد ٹرافک پولیس اسٹیشن میں ایک مقدمہ درج کیا گیا ہے اور پولیس مزید تحقیقات کر رہی ہے۔ واضح ہو کے ہمناآباد کے موضع ہڈگی میں سرویس روڈنہ ہونے کی وجہہ سے ابھی تک پندرہ سے زائد حادثات درپیش آچکے ہیں جن میں ایک درجن سے زائد افراد ہلاک ہوچکے ہیں، اتنے حادثات ہونے کے باوجودنیشنل ہائی وئے اتھارٹی کی جانب سے سرویس روڈ کا کوئی متبادل انتظام نہیں کیا جاتا ہے۔