آکولہ: اتوار جنتا کرفیو میں حکومت کو مل رہا ہے عوام کا بھر پور تعاون

آکولہ: 24/اگست (ایچ کے) اتوار کا دن ہمیشہ سے آکولہ شہر میں بازار کے لیے جانا جاتا ہے، اس دن آکولہ شہر میں بازار کی وجہ سے بہت بھیڑ بھاڑ ہوتی ہے۔ لیکن کورونا وائرس کے مریضوں کی بڑھتی ہوئی تعداد کو دیکھتے ہوئے حکومت نے مکمل لاک ڈاؤن کے بعد ان لاک کے تیسرے مرحلے میں ہر ہفتہ کی اتوار کو جنتا کرفیو کا اعلان کیا ہے.اور اس سلسلہ کو تقریباً ایک مہینہ مکمل ہوگیا ہے, ایک مہینہ سے ہر "اتوار بند” پر عوام بہت سنجیدہ طریقہ سے عمل پیرا ہورہی ہے۔

اس دن ہر طرح کے مزدور, بیوپاری اپنے اپنے کام کاج کو بند رکھ کر اپنے ذمہ دار شہری ہونے کا ثبوت دے رہے ہیں.
23/اگست کی اتوار کو بھی شہر آکولہ کی تمام دکانیں بند نظر آئیں, سڑکیں عوام اور گاڑیوں سے خالی نظر آئیں۔
اسی طرح عوام کی جانب سے حکومت کا بھرپور تعاون کیا جارہا ہے۔