مسلسل نویں روز بھی پٹرول-ڈیزل کی قیمتوں میں ہوا اضافہ

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پٹرول کی قیمت آج 48 پیسے بڑھ کر 76.26 روپے فی لیٹر ہوگئی ، جو21 نومبر 2018 کے بعد کی بلند ترین سطح پر ہے۔

نئی دہلی : آئل مارکیٹنگ کمپنیوں کی جانب سے آج مسلسل نویں روز قیمتوں میں زبردست اضافے کی وجہ سے پٹرول کی قیمت تقریبا19 مہینے اور ڈیزل کی قیمت تقریبا 20 مہینے کی بلندترین سطح پر پہنچ گئی ہیں۔ لگاتار ہو رہے اضافہ کی وجہ سے عوام حیران و پریشان ہیں، کیونکہ کورونا وبا کی وجہ سے پہلے ہی ان کو کئی طرح کے مسائل کا سامنا کرنا پڑ رہا ہے اور تیل کی قیمتوں میں اضافہ کے سبب مہنگائی بھی بڑھ رہی ہے۔