جموں وکشمیرمیں صدرراج مزید 6مہینے بڑھایا جائےگا مرکزی حکومت کا فیصلہ
نئی دہلی 12 جون (یواین آئی) مرکزی حکومت نے جموں و کشمیر میں صدر راج کی مدت مزید چھ مہینے بڑھانے کا فیصلہ کیا ہے۔
مرکزی کابینہ کی آج یہاں ہوئی میٹنگ کے بعد اطلاعات و نشریات کے وزیر پرکاش جاوڈیکر نے بتایا کہ ریاست میں صدر راج کی میعاد آئندہ 2 جولائی کو ختم ہو رہی ہے۔
گورنر ستیہ پال ملک نے ریاست کے حالات کے پیش نظر وہاں صدر راج کی مدت 6 ماہ بڑھانے کی سفارش کی تھی جسے کابینہ نے منظوری دے دی ۔