راہل گاندھی نے گجرات میں مسلسل ڈرگس برآمد ہونے پر مودی سے پوچھے تیکھے سوال
راہل گاندھی نے ایک ٹوئٹ میں کہا کہ “گجرات میں منشیات کا کاروبار آسان ہوتا جا رہا ہے۔” وزیر اعظم ان سوالوں کا جواب دیں۔
نئی دہلی: کانگریس کے سابق صدر راہل گاندھی نے گجرات میں کروڑوں روپے کی منشیات برآمد ہونے پر گہری تشویش کا اظہار کرتے ہوئے اس معاملے میں وزیر اعظم نریندر مودی کی خاموشی پر حیرت کا اظہار کرتے ہوئے کہا کہ اس زہر کو جن بندرگاہوں میں پکڑا گیا ہے ان کے مالکان سے پوچھ گچھ کیوں نہیں ہو رہی؟
راہل گاندھی نے ایک ٹوئٹ میں کہا کہ “گجرات میں منشیات کا کاروبار آسان ہوتا جا رہا ہے۔” وزیر اعظم ان سوالوں کا جواب دیں۔ انہوں نے نریندر مودی سے سوال کیا، ”گجرات میں ہزاروں کروڑ کی منشیات پہنچ رہی ہیں۔ گاندھی-پٹیل کی مقدس سرزمین پر یہ زہر کون پھیل رہا ہے؟ بار بار ڈرگس برآمد ہونے کے باوجود بندرگاہ کے مالک سے اب تک پوچھ گچھ کیوں نہیں کی گئی۔ گجرات میں کارٹیل چلا رہے ’نارکوس‘ کو این سی بی اور دیگر سرکاری ایجنسیاں اب تک کیوں نہیں پکڑ پائیں؟
راہل گاندھی نے ڈرگس کے اس کاروبار کو سیاسی سرپرستی کا اندیشہ ظاہر کیا اور کہا کہ مرکز اور گجرات کی حکومت میں بیٹھے وہ لوگ کون ہیں جو مافیا ‘دوستوں’ کی سرپرستی کر رہے ہیں۔ وزیراعظم جی کب تک خاموش رہیں گے، جواب تو دینا ہی پڑے گا۔