ای ڈی دفتر میں راہل گاندھی سے پوچھ گچھ، حراست میں لیے گئے کئی کانگریس لیڈران و کارکنان

ای ڈی کے دفتر سے باہر نکل کر سونیا گاندھی کی عیادت کے لئے اسپتال پہنچے راہل گاندھی

راہل گاندھی سے ای ڈی کی پوچھ گچھ مکمل ہوگئی اور وہ ایجنسی کے دفتر سے باہر آگئے۔ راہل گاندھی اور پرینکا گاندھی اس کے بعد کانگریس صدر اور اپنی والدہ سونیا گاندھی کی عیادت کے لئے سر گنگا رام اسپتال پہنچے۔ سونیا گاندھی کورونا سے متعلق صحت کے مسائل کے سبب اسپتال میں زیر علاج ہیں۔ انہیں گزشتہ روز اسپتال میں داخل کرایا گیا تھا۔

کانگریس کے زیر حراست لیڈران سے ملاقات کے لئے پولیس اسٹیشن پہنچیں پرینکا گاندھی

کانگریس کے مارچ کے دوران حراست میں لئے گئے متعدد لیڈران کو تغلق لین تھانہ میں رکھا گیا ہے۔ پرینکا گاندھی تھانہ پہنچ گئی ہیں جہاں انہوں نے زیر حراست لیڈران سے ملاقات کی۔

ای ڈی دفتر میں راہل گاندھی سے پوچھ گچھ ، حراست میں لئے جا رہے کانگریس کارکنان

راہل گاندھی کے ساتھ ای ڈی کے دفتر پہنچے کانگریس کارکنان کو سیکورٹی فورسز نے روک دیا جس سے ناراض ہو کر کارکنان دھرنا دیتے ہوئے نعرے بازی کرنے لگے۔ پولیس کانگریس کارکنان کو حراست میں لے کر گاڑی میں بیٹھا رہی ہے۔ ادھر، ای ڈی دفتر کے اندر راہل گاندھی نے پوچھ گچھ شروع کر دی گئی ہے۔

ای ڈی دفتر پہنچے راہل گاندھی، پرینکا گاندھی سمیت ہزاروں پارٹی لیڈران اور کارکنان کا مارچ

نیشنل ہیرالڈ معاملہ میں راہل گاندھی ای ڈی دفتر پہنچ گئے ہیں۔ اس دوران ان کے ساتھ ہزاروں کی تعداد میں پارٹی لیڈران اور کارکنان موجود رہے جنہوں نے ای ڈی دفتر تک مارچ کیا۔ پرینکا گاندھی بھی ان کے ساتھ موجود ہیں۔ راہل گاندھی پوچھ گچھ کے لئے ای ڈی دفتر کے اندر چلے گئے ہیں جبکہ پارٹی لیڈران اور کارکنان کو دفتر کے باہر پولیس بیرکیڈنگ پر روک لیا گیا ہے۔

کانگریس کو پرامن احتجاج کی اجازت کیوں نہیں دی جا رہی؟ سرجے والا کا سوال

ایک پریس کانفرنس سے خطاب کرتے ہوئے کے لیڈر سرجے والا نے پوچھا کہ کیا وجہ ہے کہ کانگریس کے پرامن ستیہ گرہ اور مارچ کو اجازت نہیں دی جا رہی ہے؟ انہوں نے کہا کہ دراصل حکومت کانگریس سے خوفزدہ ہے کیونکہ راہل گاندھی ان سے نہیں دبتے اور عوام کی آواز اٹھاتے رہتے ہیں۔

دریں اثنا، اطلاع ہے کہ پرینکا گاندھی بھی کانگریس کے احتجاج میں شریک ہیں کیونکہ ان کی کورونا ٹیسٹ کی رپورٹ منفی پائی گئی ہے۔

کانگریس صدر دفتر کو جانے والی تمام راہیں مسدود

کانگریس کے احتجاج اور مارچ کے پیش نظر دہلی واقع کانگرس کے صدر دفتر کو جانے والی تمام راہیں مسدود کر دی گئیں۔ دہلی ٹریفک پولیس کے مطابق ٹریفک کے خصوصی انتظامات کی وجہ سے نئی دہلی میں گول ڈاک خانہ جنکشن، پٹیل چوک، ونڈسر پلیس، تین مورتی چوک، پرتھوی راج روڈ سے آگے بسوں کی آمدورفت پر پابندی ہوگی۔ صبح 7 بجے سے دوپہر 12 بجے کے درمیان پولیس گول میتھی جنکشن، تغلق روڈ جنکشن، کلیریجز جنکشن، کیو پوائنٹ جنکشن، سنہری مسجد جنکشن، مولانا آزاد روڈ جنکشن اور مان سنگھ روڈ جنکشن پر جانے سے گریز کریں۔ خصوصی انتظامات کے باعث بھاری ٹریفک کی آمدورفت متوقع ہے۔

راہل گاندھی کی ای ڈی میں پیشی سے قبل کانگریس کے کئی لیڈران حراست میں لئے گئے

نیشنل ہیرالڈ معاملہ میں ای ڈی کے سامنے کانگریس لیڈر راہل گاندھی کی پیشی سے قبل پارٹی دفتر کے باہر کئی لیڈران نے نعرے بازی کی، جنہیں پولیس نے حراست میں لے لیا۔ پولیس کانگریس کے ای ڈی تک نکالنے جانے والے مارچ کے پیش نظر بھی کارروائی کر رہی ہے۔ اس کے تحت دفتر تک جانے والی تمام راہیں مسدود کر دی گئی ہیں اور راہل گاندھی کی رہائش اور پارٹی کے دفتر کے باہر بڑی تعداد میں پولیس فورسز تعینات کی گئی ہیں۔