مفتی افتخاراحمد قاسمی کو صدر جمیعۃ العلماء کرناٹک منتخب ہونے پر مبارکباد
بیدر: 16/ستمبر (اے ایس ایم) مولانا محمد توفیق حسین قاسمی صدر جمیعۃ العماء چٹگوپہ کے ایک پریس نوٹ کے بموجب شاہ ولی مسجد بنگلور میں جمیعۃ العلماء ریاست کرناٹک کی انتخابی نشست مورخہ14ستمبر بروز منگل منعقد ہوئی۔ اجلاس میں بااتفاق آرا پھر ایک مرتبہ مفتی افتخار احمد قاسمی کو صدر جمیعۃ العلماء کرناٹک منتخب کیا گیا۔
اس موقع پر جمیعۃ العلماء شاخ تعلقہ چٹگوپہ کے صدر مولانا توفیق حسین قاسمی و جمیع اراکین نے دلی مسرت کا اظہار کرتے ہوئے ہمہ اقسام کے گلوں سے تیار کردہ گلدستہ پیش کرتے ہوئے تہنیت و مبارکباد پیش کی۔
اوراس امید و یقین کا اظہار کیا ہیکہ حضرت مولاناافتخار احمد قاسمی ریاست بھرمیں جمیعتہ العلماء ہند کو مزید مضبوط اورمستحکم کرینگے۔ کار خیر و عملی اقدامات میں مزید فعال و متحرک نظر آئینگے۔