رافیل میں 21 ہزارکروڑ کا گھپلہ، ملک سے غداری اور ملک کے مفادات سے کھلواڑ ہے: کانگریس

رافیل کےلئے 2016 میں 21 ہزار 75 کروڑ روپے کی اضافی ادائیگی ہوئی ہےاور یہ رقم آج کے حساب سے 39 ہزار کروڑ روپے سے زیادہ ہے۔

کانگریس نے کہا ہے کہ رافیل جنگی طیارہ سودے میں گھپلے کی پرتیں اٹھا رہے فرانس کے میڈیا کی تازہ رپورٹ میں کہا گیا ہے کہ اس سودے میں 21 ہزار 75 کروڑ روپے کے علاوہ ادائیگی کی گئی ہے کانگریس محکمہ مواصلات کے سربراہ رندیپ سنگھ سرجے والا نےکل ایک بیان میں کہا ہے کہ رافیل میں پیسے کا لین دین ہوا ہے اور سرکاری خزانے کو 21 ہزار 75 کروڑ روپے کا چونا لگایا گیا ہے۔

انہوں نے کہا کہ فرانس کے میڈیا میں کئے گئے انکشاف میں کہا گیا ہے کہ رافیل کےلئے 2016 میں 21 ہزار 75 کروڑ روپے کے علاوہ ادائیگی ہوئی ہے۔ یہ رقم آج کے حساب سے 39 ہزار کروڑ روپے سے زیادہ ہے۔ ان کا کہنا تھا کہ یہ بہت بڑی اضافی رقم کی ادائیگی ہوئی ہے اور یہ کوئی چھوٹا موٹا گھپلہ نہیں ہے۔

ترجمان نے کہا کہ اس گھپلے میں یہ تازہ ثبوت ایک فرنچ ویب سائٹ کے نیوز پورٹل کے حوالے سے سامنے آئے ہیں۔ اس ویب سائٹ کا کہنا ہے کہ رافیل خرید میں بہت بدعنوانی ہوئی ہے۔انہوں نے اس بدعنوانی کو ملک سے غداری قرار دیا اور کہا کہ اس سودے میں ملک کے مفادات سے کھلواڑ ہوا ہے۔