سعودی عرب نے کیا ایمن الظواہری کے خلاف کامیاب امریکی کارروائی کا خیر مقدم

ایمن الظواہری کی دہشت گردانہ کارروائیوں کی منصوبہ بندی سے ہزاروں بے گناہ مارے گئے: الریاض

سعودی وزارت خارجہ نے امریکی صدر جو بائیڈن کے القاعدہ کے دہشت گرد رہنما ایمن الظواہری کو ایک کامیاب آپریشن میں نشانہ بنانے کے اعلان کا خیر مقدم کیا ہے۔ وزارت خارجہ نے کہا کہ ایمن الظواہری دہشت گردی کے ان رہنماؤں میں سے ایک ہیں جنہوں نے امریکا، سعودی عرب اور دنیا کے کئی ممالک میں دہشت گردی کی گھناؤنی کارروائیوں کی منصوبہ بندی اور ان پر عمل درآمد کی قیادت کی، جس کے بعد مختلف اقوام کے ہزاروں بے گناہ افراد اور سعودی شہریوں سمیت دوسرے مذاہب کے لوگوں کو قتل کیا گیا۔

سعودی عرب کی حکومت نے دہشت گردی کےخلاف تعاون کو مضبوط بنانے کی اہمیت پر بھی زور دیتے ہوئے دہشت گردی کی لعنت سے نمٹنے اور اس کے خاتمے کے لیے بین الاقوامی کوششوں کو مربوط کرنے کی اہمیت پر زور دیا۔ مملکت نے تمام ممالک پر زور دیا کہ وہ دہشت گرد تنظیموں سے معصوم لوگوں کو بچانے کے لیے اس فریم ورک میں تعاون کریں۔

(بشکریہ العربیہ ڈاٹ نیٹ)

جواب دیں

آپ کا ای میل ایڈریس شائع نہیں کیا جائے گا۔

error: Content is protected !!