شادی سے انکار کرنے پر لڑکی کے والد کو پیٹ پیٹ کر مار ڈالا

ایڈیشنل پولیس سپرنٹنڈنٹ (دیہات) راج کمار اگروال کے مطابق مقتول کی لاش اس کے گھر سے برآمد کی گئی ہے، جسے پوسٹ مارٹم کے لئے بھیج دیا گیا ہے۔ ملزم اس کی بیٹی سے شادی کرنا چاہتا تھا۔

بریلی: اتر پردیش کے بریلی میں ایک 28 سالہ شخص نے لڑکی کے والد کا محض اس لئے پیٹ پیٹ کر قتل کر دیا، کیونکہ انہوں نے ملزم سے اپنی بیٹی کی شادی کرنے سے انکار کر دیا تھا۔ یہ واقعہ بریلی ضلع کے شاہی علاقہ میں پیش آیا۔ پولیس نے ملزم شری پال کے خلاف تعزیرات ہند (آئی پی سی) کی دفعہ 304 کے تحت معاملہ درج کر لیا ہے۔

ایڈیشنل پولیس سپرنٹنڈنٹ (دیہات) راج کمار اگروال کے مطابق ’’مقتول کی لاش اس کے گھر سے برآمد کی گئی ہے، جسے پوسٹ مارٹم کے لئے بھیج دیا گیا ہے۔ ملزم اس کی بیٹی سے شادی کرنا چاہتا تھا، لیکن اس نے اس کی تجویز کو مسترد کر دیا، جس کے بعد شری پال نے لاٹھی سے پیٹ پیٹ کر اس کا قتل کر دیا۔ ملزم تاحال فرار ہے۔ لیکن ہم اسے جلد گرفتار کر لیں گے۔‘‘

مقتول کے بھائی نے کہا کہ میرا بھائی اپنی بیٹی کے لئے ایک معقول لڑکے کی تلاش میں تھا۔ ہمارا کنبہ شری پال کو جانتا تھا۔ ہفتہ کی شب وہ شراب کی بوتل لے کر ہمارے گھر آیا اور میرے بھائی سے پینے کے لئے کہا۔

اس نے کہا کہ ’’حالت نشہ میں شری پال نے میرے بھائی سے اس کی بیٹی کا ہاتھ مانگا۔ میرے بھائی نے انکار کر دیا اور اسے فوراً چلے جانے کو کہا۔ شری پال نے پہلے لڑکی کو اپنے ساتھ لے جانے کی کوشش کی اور پھر میرے بھائی کو لاٹھی سے پیٹ پیٹ کر قتل کرنے کے بعد فرار ہو گیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: Content is protected !!
Open chat
1
!Hello
!How Can I Help You
واٹس ایپ گروپ جوائن کرنے کیلئے نیچے لنک پر کلک کریں۔

https://chat.whatsapp.com/Cu3chd0osKYFJfN3AkBLQ9